Boètegewoeëne Boètezitting

Euver de Boètezitting

Gans Venlo viert fees!

En geej ziet allemaol oetgenuuedigd um same mit ôs 't begin van de vastelaovend in te luuje. Tradisiegetrouw, al sinds 1992, trappe weej in Venlo de vastelaovend aaf mit ein geweldige happening in de Zoepkoel.

Waas de Boétezitting in die beginjaore nog ein röstig feesje veur de Venlonaer, in de laop van jaore is dit oetgegreujd tot 't groeëtste vastelaovendfestijn in Limburg met podia door de ganse stad, wao vastelaoveszengers, bands en joekskapelle zörge veur ein geweldige stumming en sfeer. Op de volgende pagina’s hebbe weej alle informasie veur och beejein gezatte. Geej zeet wao de podia zien, de bônnewages staon en wao geej kint opstappe op de Zoepkoelexpress.

‘t Stadscomité zörg d’r idder jaor weer veur, same mit tiëntalle vreejwilligers, det de stad klaor is um same mit och aan de vastelaovend te beginne. As geej zörg vur ’n leuk pekske, de schminck en gooije zin, dan verwelkômme weej och gaer op vastelaoveszaoterdaag in Stedje van Lol en plezeer